Бид цэвэрлэгээний бүтээгдэхүүнүүдийг өдөр тутамдаа өргөн хэрэглэдэг. 

Тэгвэл эдгээр бүтээгдэхүүнүүдийн найрлагад ямар ямар нийтлэг бодис ордог вэ? Тэдгээрийн хор хөнөөл нь юу вэ? зэрэг асуултуудад хариулах мэдээллийг зураг бүрийн доор тайлбартайгаар хүргэж байна. 

Цэвэрлэгээний бүтээгдэхүүн нь гэр, сургууль, оффис дахь эрүүл орчинг бүрдүүлэх бидний өдөр тутмын амьдралд чухал үүрэг гүйцэтгэдэг.

Бид төрөл бүрийн цэвэрлэгээний бүтээгдэхүүний ачаар тоос шороог найдвартай, үр дүнтэй устгаж, нян бактери, мөөгөнцөр зэрэг харшил үүсгэгчийг дарангуйлж чаддаг. Ингэснээр халдварт өвчнөөс урьдчилан сэргийлж, эрүүл байх нөхцөл хангагддаг.

Цаашлаад бидэнд гэр орон, эд хөрөнгөө арчлах боломж олгодог.

Цэвэрлэгээний бүтээгдэхүүний түгээмэл найрлагад шүлт, хүчил, цайруулагч, ариутгагч бодис, спиртийн уусгагч орно.

Эдгээрийг тус бүрд нь авч үзье:

ХҮЧИЛ

Хүчил нь хатуу усны орд, хөнгөн цагаан, гууль, хүрэл, зэс, төмрийн зэвний толбыг арилгахад тустай. Зэв арилгагч болон нойл цэвэрлэгээний бүтээгдэхүүнд их агуулагддаг ч төрөл бүрийн саван, шүдний оо зэрэгт бага хэмжээгээр орсон байдаг. Хүчил нь зарим төрлийн хувцас, металлыг устгах хор нөлөөтэйгөөс гадна арьс, нүдийг цочроож, гэмтээх аюултай.

ШҮЛТ

Шүлт бол уусдаг давс бөгөөд тоос шороог хэт үрэлтгүйгээр арилгахад үр дүнтэй байдаг. Шүлт нь тослог бохирыг амархан арилгадаг тул аяга таваг угаагч болон шил арчигч бүтээгдэхүүнд агуулагддаг.

Шүлтлэг бодисууд нь хор нөлөөний хувьд өөр өөр байдаг. Ихэнх нь хортой, зарим нь идэмхий, бусад нь арьс, нүдийг цочирдуулдаг.

ЦАЙРУУЛАГЧ

Хлор бол гэр ахуйн цэвэрлэгээний бүтээгдэхүүнд хэрэглэгддэг хамгийн түгээмэл ЦАЙРУУЛАГЧ юм. Гэсэн хэдий ч хэрэглэх, хадгалахад аюулгүй байдаг тул шинэ хлоргүй цайруулагч илүү түгээмэл болж байна. Цайруулагч бодис нь аяга таваг, шил угаагч, комет зэрэг бүтээгдэхүүнүүдэд агуулагддаг.

Ариутгагч

Ариутгагч бодис нь нянгийн тоог бууруулдаг химийн бодис бөгөөд ихэвчлэн угаалгын өрөө цэвэрлэх, аяга таваг угаахад ашиглагддаг. Мөн ариутгагч бодисууд нь үнэр үүсгэгч бичил биетүүдийг устгадаг тул гадаргууг үнэргүйжүүлэхэд тусалдаг.

Спиртийн уусгагч

Модон тавилга цэвэрлэгээний болон шалны ихэнх өнгөлгөөний бүтээгдэхүүнүүдэд спиртийн уусгагч агуулагдана. Эдгээр уусгагч нь тослог шороог зайлуулдаг тул хуурай цэвэрлэгээнд гол төлөв ашигладаг.

Цэвэрлэгээний бүтээгдэхүүнүүд өөр өөрийн гэсэн онцлог бодисууд агуулагддаг.

Бодисуудын тунг хэтрүүлбэл харшил, астма үүсгэх, нүд, хамар, арьсны салст бүрхэвчийг цочроох зэрэг сөрөг нөлөөтэй байдаг.

Тиймээс ариутгагч, цэвэрлэгч бодис болон аяга таваг угаагч авахдаа найрлага орц, зааварчилгааг маш сайн уншиж даган, өөрт аюулгүй, гаж нөлөө багатайг нь сонгох хэрэгтэй.